நடிகர் ரோபோ சங்கர் – மறைவுச் செய்தி 🕊️

தமிழ் திரையுலகில் தனித்துவமான நகைச்சுவை நடிப்பால் ரசிகர்களின் இதயத்தில் இடம்பிடித்த நடிகர் ரோபோ சங்கர் இன்று (18 செப்டம்பர் 2025) காலமானார். அவருக்கு வயது 46.

Love Matrimony

🌟 வாழ்க்கைப் பயணம்

  • கலக்கப் போவது யாரு? – விஜய் டிவி நகைச்சுவை நிகழ்ச்சி, இவரை ரசிகர்களிடம் பரவலாக அறிமுகப்படுத்தியது.
  • அது இது எது – நகைச்சுவை மற்றும் பொழுதுபோக்கு நிகழ்ச்சி.
  • பல்வேறு சிறப்பு நிகழ்ச்சிகள் மற்றும் விருது வழங்கும் விழாக்களில் தொகுப்பாளராகவும், விருந்தினராகவும் பங்கேற்றுள்ளார்.
  • மிமிக்ரி மற்றும் உடல் மொழி நகைச்சுவையில் தனித்துவம் பெற்றவர்.
  • கலக்கப்போவது யாரு – சாம்பியன்ஸ் (விஜய் டிவி) நிகழ்ச்சியில், சுட்டி அரவிந்த் உடன் "ஒரு கிளி உருகுது” பாடலுக்கான இவர்களின் காமெடி-டான்ஸ் இன்னும் ரசிகர்களின் நினைவில்.
  • 2007 -தீபாவளி என்ற திரைப்படத்தின் வழியே வெள்ளித்திரையில் தடம் பதித்தார் தொடர்ந்து 2013-இல் வெளியான “இதற்குத்தானே ஆசைப்பட்டாய் பாலகுமாரா” என்ற திரைப்படத்தில் சவுண்ட்" சங்கராக விஜய் சேதுபதியுடன் நடித்து முத்திரைப்பதித்தார் பின்னர் புலி (விஜய்), விஸ்வாசம் (அஜித்), மாரி (தனுஷ்), வேலைக்காரன் (சிவகார்த்திகேயன்) உள்ளிட்ட பல முன்னணி நடிகர்களுடன் நடித்துள்ளார். 2025-ல் அம்பி என்ற திரைப்பத்தில் கதாநாயகனாக நடித்திருந்தார்.
  • சின்னத்திரையிலிருந்து வெள்ளித்திரைக்கு வெற்றிகரமாக பயணம் செய்தவர்களில் இவரும் ஒருவர்.

🏆 விருதுகள் மற்றும் அங்கீகாரம்

  • கலைமாமணி விருது – தமிழ் நாடு அரசின் கலைத்துறையின் உயரிய அங்கீகாரம்.
  • ரசிகர்களிடையே தனித்துவமான உடல் மொழி நகைச்சுவைக்காக பெரும் வரவேற்பு.

🏥 உடல்நலக்குறைவு

  • அண்மையில் மஞ்சள் காமாலை, கல்லீரல் மற்றும் சிறுநீரக பாதிப்பு காரணமாக உடல்நிலை மோசமடைந்தது.
  • நீர்சத்து குறைவு மற்றும் குறைந்த ரத்த அழுத்தம் காரணமாக சென்னையின் பெருங்குடி பகுதியில் உள்ள தனியார் மருத்துவமனையில் அனுமதிக்கப்பட்டார்.
  • தீவிர சிகிச்சை அளிக்கப்பட்டும், இன்று மாலை சிகிச்சை பலனின்றி உயிரிழந்தார்.

💔 திரையுலகின் இரங்கல்

ரோபோ சங்கரின் மறைவு தமிழ் சினிமா மற்றும் தொலைக்காட்சி உலகில் பெரும் வெற்றிடத்தை ஏற்படுத்தியுள்ளது.
திரையுலக பிரபலங்கள், ரசிகர்கள் சமூக வலைதளங்களில் தங்கள் இரங்கலைத் தெரிவித்து வருகின்றனர்.

"நகைச்சுவை உலகில் சிரிப்பை விதைத்தவர், இன்று சோகத்தை விதைத்துச் சென்றார்" – ரசிகர்கள் நினைவுகள்.