வாக்கு திருட்டு குற்றச்சாட்டு - உச்ச நீதிமன்றம் முன் வருமா !

மாநிலவாரியாக வாக்கு திருட்டு – ராகுல் காந்தியின் குற்றச்சாட்டு- உச்ச நீதிமன்ற தாமாக முன்வந்து விசாரிக்குமா..!

ஆதரங்களுடன் கூடிய குற்றச் சாட்டுகள் சில…

·      1.   5.21 இலட்சம் போலி புகைப்படங்களுடன் வாக்கு பதிவு

·     2.    ஒரே புகைப்படத்தை பயன்படுத்தி ஒரே தொகுதியில் 100 வாக்குகள் பதிவு.

·     3.  ஒரே வீட்டில் 501 வாக்கு, மற்றொரு வீட்டில் 108 வாக்காளர் மற்றும் பாஜக்   நிர்வாகி வீட்டில் 66 வாக்குகள்

·      4. ஹரியாணவில் 8-ல் ஒரு வாக்கு போலி

·     5.   போலி வாக்குகளை அழிக்கு மென்பொருள் [software] இருந்தும் பயன்படுத்தாமல்     இருப்பு

·      6.   பிரேசில் மாடல் புகைப்படத்துடன் 22 வாக்கு பதிவு?

·       7.  தபால் வாக்குகளில் மோசடி.

ஹரியாணா மாநிலத்தில் சமீபத்திய தேர்தல் சூழலில், வாக்காளர் பட்டியலில் இருந்து ஆயிரக்கணக்கான பெயர்கள் முறையாக நீக்கப்பட்டதாக ராகுல் காந்தி குற்றம்சாட்டினார், அவர், “100% ஆதாரங்கள் எங்களிடம் உள்ளன” என்று வலியுறுத்தி, தேர்தல் ஆணையமே வாக்கு திருட்டில் நேரடியாக ஈடுபட்டுள்ளதாகக் கூறினார்.

தேர்தல் ஆணையத்தின் அலட்சியம்

• வாக்காளர் பட்டியல் திருத்தங்களில் வெளிப்படைத்தன்மை இல்லாமை: பல இடங்களில் வாக்காளர்கள் தங்கள் பெயர்கள் நீக்கப்பட்டதை தேர்தல் நாளில் தான் அறிந்தனர்.
• பொது புகார்களை புறக்கணித்தல்: எதிர்க்கட்சிகள் தொடர்ந்து புகார் அளித்தும், தேர்தல் ஆணையம் அதனை விசாரிக்காமல் அலட்சியம் காட்டியதாக குற்றச்சாட்டு.
• அதிகார மீறல்: தேர்தல் ஆணையம், அரசியல் அழுத்தத்திற்குள் செயல்பட்டு, சுயாதீன அமைப்பாக இருக்க வேண்டிய தன் நிலையை மீறியதாக எதிர்க்கட்சிகள் வலியுறுத்துகின்றன.

மக்கள் ஆட்சி மீதான தாக்கம்

• மக்களின் வாக்குரிமை பறிப்பு: வாக்காளர் பெயர்கள் நீக்கப்படுவது, நேரடியாக ஜனநாயக உரிமையை பறிப்பதாகும்.
• நம்பிக்கை சிதைவு: தேர்தல் ஆணையம் மீது மக்களின் நம்பிக்கை குறையும்போது, ஜனநாயகத்தின் அடித்தளம் itself பாதிக்கப்படுகிறது.
• அரசியல் சமநிலை குலைவு: வாக்கு திருட்டு குற்றச்சாட்டுகள், தேர்தல் முடிவுகளைப் பாதித்து, அரசியல் சமநிலையை மாற்றக்கூடியவை.

ராகுல் காந்தியின் எச்சரிக்கை

“ஆதாரங்கள் வெளியாகும் போது தேர்தல் ஆணையம் காணாமல் போய்விடும்” என்று அவர் எச்சரித்துள்ளார் இதன் மூலம், தேர்தல் ஆணையம் தனது பொறுப்பை தவிர்த்து, அதிகார மீறலில் ஈடுபட்டால் அது நாட்டின் மக்கள் ஆட்சி மிகப்பெரிய ஆபத்து என அவர் வலியுறுத்துகிறார்.

மிளிர் பார்வை

ஹரியாணா வாக்கு திருட்டு குறித்த ராகுல் காந்தியின் குற்றச்சாட்டு, தேர்தல் ஆணையத்தின் சுயாதீனத்தன்மை, வெளிப்படைத்தன்மை, மற்றும் பொறுப்புணர்வு குறித்து தீவிரமான கேள்விகளை எழுப்புகிறது. மக்கள் ஆட்சியின் அடிப்படை உரிமையான வாக்குரிமை பாதுகாக்கப்பட வேண்டியது அவசியம். இல்லையெனில், அலட்சியம் மற்றும் அதிகார மீறல் இந்தியாவின் மக்கள் ஆட்சி அடித்தளத்தை சிதைக்கும் அபாயம் உள்ளது. X [Twitter] இணைய தளத்தில் #VoteChori என்ற குறிச்சொல் [Hashtag] அதிகமாக பரவி வருகிறது.

தமிழ்நாடு, புதுச்சேரியில் சிறப்பு தீவிர திருத்தப் பணி சவால்கள்

• நகர்ப்புறங்களில் முகவரி மாற்றம் அதிகம் இருப்பதால், சரியான பட்டியல் தயாரிப்பது சவாலாக உள்ளது.
• கிராமப்புறங்களில் தகவல் பரவல் குறைவாக இருப்பதால், மக்கள் தங்கள் பெயர் பட்டியலில் உள்ளதா என்பதை அறிய முடியாமல் போகிறது.
• தொழில்நுட்ப பிழைகள் (ஆன்லைன் விண்ணப்பங்களில்) காரணமாக சிலர் பெயர் நீக்கப்படுவதற்கான அபாயம் உள்ளது.

நம்பகத்தன்மை

தற்பொது தமிழ் நாட்டில் விரைவு வாக்காளர் திருத்தம் தொடங்கியுள்ளது, இது தமிழக மக்கள் தங்களது வாக்கை பாதுகாக்க வேண்டிய தருணமானது நம்பகத்தன்மையை கேள்வி எழுப்பி உள்ளது. மேலும் வெளி நாட்டு [பிரேசில்] ஒரு மாடலுக்கே 22 வாக்கு உள்ள போது வெளி மாநில தொழிலார்கள் வாக்காளர்களாக சேர்க்கப்படலாம் இது தமிழ் நாட்டில் அரசியல் தலைவர் தேர்வு செய்வதில் பாதிப்பை ஏற்படுத்த வாய்ப்பு ஏற்படலாம் எனவும் மக்கள் கருதுகிறார்கள்.